Бүгүн, 5-июнь күнү Кыргызстандын футбол боюнча Улуттук курама командасы 2026-жылкы Дүйнө чемпионатынын тандоо оюндарынын үчүнчү раунду алкагында конокто Түндүк Корея курама командасы менен беттешет. Жолугушуу Эр-Рияд шаарынын (Сауд Арабиясы) «Файсал Бин Фахд» атындагы стадионунда 5-июндан 6-июнга караган түнү Бишкек убактысы боюнча саат 00:15 дө старт алат.

Максим Лисицындын командасы үчүн бул беттеш жооптук болот, анткени командалар 2024-жылдын октябрь айында бул раундда кез келген. Анда өз үйүндөгү болгон беттеште биздин курама 1-0 эсебинде атаандашты жеңген.

📍 Бүгүнкү беттешке күбө болуу үчүн Ак Шумкар командасынын күйөрмандары фан-зона уюштурулат!

Күйөрмандарды бириктирген футбол майрамы Ала-Тоо аянтында өтүп, футбол, музыка жана элдик шаң бириккен LEGEND FAN FEST майрамы белгиленет. Анда кыргыз эстрадасынын алдыңкы артисттери:  Омар, Freeman 996, Бек Борбиев, DJ Айгерим Назар, Bakr, Бегиш, Баястан, DJ Little Padre, Tamga, Allega жана Easy Leggo сахнага чыгышат. 

Ошондой эле, күйөрмандарды спорттук жана интерактивдүү оюндар күтөт.

📍Өткөрүлүүчү жер: Бишкек шаары, Ала-Тоо аянты
🕖Фан-зонанын башталышы: саат 19:00
🕛Оюндун башталышы: түнкү саат 00:15 (6-июнга караган түн)
🎟 Кирүү акысыз

Иш-чара Кыргыз футбол биримдиги жана Shoro компаниясы тарабынан уюштурулуп, жалпы жарандарды жана шаар меймандарын LEGEND FAN FEST майрамына чакырат. Бул — футболду, маданиятты жана эл биримдигин даңазалаган чоң майрам!

🎥 Беттешти түз алып берүүсү УТРК Спорт каналында, ошондой эле КСТВ каналынын кабелдик тармактарында (Мегалайн, Неотелеком, Акнет) көрсөтүлөт.

Бүгүн, 5-июнь күнү 2026-жылкы Дүйнө Чемпионатынын тандап алуу оюндарынын үчүнчү раунду алкагында Эр-Рияд шаарында (Сауд Арабиясы) өтө турган Түндүк Корея беттешин иорданиялык калыстар тобу тейлейт. 

ФИФА калысы Махамед Адхам калыстар бригадасын жетектесе, ага каптал сызыктарда Мохаммад Алкалаф жана Ахмад Алроале жардам беришет. Ошондой эле, Ахмед Ал-Али резервдик арбитр болуп дайындалды. 

VAR-системасында таиланддык адистер Сивакорн Пу Удом жана Виват Жумпаон иштешет.

Окуу-машыгуу жыйын алкагында бүгүн Кыргызстандын U-23 жаштар курамасы «Азия Гол» клубу менен кез келип, атаандашты 3-2 эсебинде жеңди.

Алдыда курамабыз бир нече жолдоштук беттештерди өткөзөт:
🔹 9-июнь — Ташкентте, Өзбекстандын U-23 командасы менен беттеш
🔹 21-июнь — Душанбеде, Индиянын U-23 командасы менен беттеш
🔹 24-июнь — Душанбеде, Тажикстандын U-23 командасы менен жолугушуу. 

Окуу-машыгуу жыйыны жана жолдоштук беттештер команданы 1-9-сентябрь аралыгында Кыргызстанда өтө турчу U-23 Азия Кубогунун тандоо оюндарына даярдоого багытталган. Өзбекстан, Палестина жана Шри-Ланканын командалары менен, биздин курама “Е” тайпасында жайгашкан.

2026-жылкы Азия Кубогуна тандоо туруна даярдыктын алкагында команда «Мурас Юнайтед» окуу-базасында машыгуу жыйындарын өткөрүп, Казакстандын курама командасы менен эки жолдоштук беттеш өткөрдү. Бул оюндар машыктыруучу штабга оюнчулардын физикалык абалын баалоого, тактикалык байланыштарды текшерүүгө жана команданын өз ара аракетин чыңдоого мүмкүнчүлүк берди.

Эскерте кетсек, Азия Кубогунун тандоо этабынын «D» тобундагы оюндар 29-июндан 6-июлга чейин Индонезиянын Джакарта шаарында өтөт. Кыргызстандын курама командасынын атаандаштары — Индонезия, Кытай Тайбэйи жана Пакистан курама командалары.